أول خروج له.. فاخر يوضح حصريا لراديو مارس حقيقة أزمته مع الرجاء

في أول خروج له، أوضح امحمد فاخر مجموعة من الأمور بخصوص أزمته مع فريق الرجاء الرياضي.
مدرب الرجاء السابق قال إنه حاول إنهاء المشكل بشكل ودي مع مكتب الرجاء، لكنه لم يتوصل بأي رد.
وأوضح فاخر: “المشكل كان وقع ليا مع حسبان، الجامعة حكمو عليا باش نخلص الرجاء 75 مليون، وعطاوني 63 مليون”.
وتابع: “تكرفصت عام كامل وعطيت من عندي للاعبين وماغاديش نقول سمياتهم وخلصت الكيني 4 أشهر 15 ألف درهم من عندي وفلخر كيقول ليك الباب”.
وأكد: “هادي ماشي اول مرة تدي اللقب ومن بعدها يقولو ليك الله يعاون. الموندياليتو كان بقى ليه 6 أيام وتم الإقالة ديالي وما خرجتش دويت”.
وأضاف فاخر: “تلاقيت مع محمد أوزال شي ساعة ونصف وقال ليا لا ماخاصوش يدير هكا، وقال ليا غادي نتكلف، من تماك ما كان الرد ديالو، من بعدها عيط ليا البوصيري الله يرحمو وقلت ليه فأي وقت بغيتو مرحبا، حتى واحد ما رجع عندي”.
وزاد قائلا: “المحامي قال ليا نمشيو لحل توافقي ولكن ما لقينا حتى رد، وداكشي مدون. اتصل بيا سعيد وهبي، الناطق الرسمي ديال الرجاء، تلاقيت معاه، ومن بعد ما رجعش”.
وأكد فاخر بأن مكتب الرجاء لم يتصل به من أجل إيجاد حل توافقي يرضي الطرفين.